Kuphangalale abantu abayisishiyagalolunye kuginqika ibhasi lisuka eRichard's Bay libheke eShaka'skraal ngeSonto ntambama.
Image: IPSS Medical Rescue
Amalungu ayisishiyagalolunye ebandla iTwelve Apostles Church in Trinity, KwaDukuza, aqinisekiswe ukuthi ashonile engozini yebhasi yebhasi eyenzeke ku-N2 phakathi kweMandeni noDukuza.
Amalungu ebandla abesuka eRichards Bay elibangise eShakaskraal ngesikhathi kuqhuma isondo ebhasini, nokwadale ukuthi umshayeli ahluleke ukuyilawula ibhasi laphuma emgwaqweni.
Babalelwa ku-80 abagibeli abebesebhasini, kwaqinisekiswa abayisishiyagalombili abashonele endaweni yesehlo kukhona abanye abaphuthunyiswe esibhedlela besezimweni ezahlukene. Abagibeli abaningi banqabile ukwelashwa esibhedlela futhi abahanjiswanga.
Umphathiswa wezokuThutha nokuHlaliswa kwaBantu uMnuz Siboniso Duma uhambele indawo yengozi ngoMsombuluko ekuseni lapho azibonele ngawakhe imfucuza yebhasi esendaweni engu-100m phansi onqenqemeni oluphakathi.